عروسة خشب تنافس «صافينار»
تجدها على خشبة المسرح وفى الشوارع والحدائق العامة، تتمايل بدقة وبراعة على أنغام الطبلة وبحركات تتفوق بها على راقصات الرقص الشرقى، لتقديم عرض راقص تتراوح مدته بين 5 و20 دقيقة.
«زيزى» عروسة ماريونت تتخصص فى الرقص الشرقى، وتسعد الجمهور بتغيير مفهوم الراقصة المتعارف عليه: «زيزى راقصة محترمة بتقدم فن راقى مش مُبتذل»، حسب أحمد نعيم، فنان ماريونيت، وصاحب فكرة العروسة «زيزى»، التى لا تقتصر فقراتها على الرقص فقط، بل إنها تجيد التمثيل وتعشق المنافسة، حيث إنها تمتلك الموهبة التى تؤهلها لمنافسة الأخريات: «زيزى تقدر تنافس أى حد، وأنا مجربتش أحطها فى منافسة مع حد، لأن زيزى راقصة محترمة»، ويستكمل: «الجمهور حبها وبيقف يقلدها عشان يتعلم منها».
لم يجد «نعيم» صعوبة فى تحريك «زيزى»، حيث ملابس الرقص التى ترتديها تساعد فى تحريكها، وتجعلها تبدو وكأنها راقصة حقيقية تقدم عرضاً مسرحياً.
تتميز «زيزى» عن غيرها من الراقصات ببعض الحركات، وهو ما يدفع الجمهور إلى متابعتها للنهاية دون ملل: «أنا اللى عملتها، وأنا الوحيد اللى أقدر أرقصها، وطبعاً تحريكها مش صعب بس عايز تدريب»، ويستكمل: «سميتها زيزى لأنه اسم أغلب الراقصات، وكمان سهل نطقه».
كون «زيزى» دمية، لم يجعل جمهورها يقتصر على الأطفال، بل إن متابعيها من الشباب والكبار بشكل ملحوظ: «مفكرتش أبيعها، ولو هبيع نسخ تانية مش هتبقى أقل من 500 جنيه»، ويستكمل: «زيزى مش مجرد عروسة رقاصة دى عندها شخصية ومتربية على الغالى».
Posting Komentar untuk "عروسة خشب تنافس «صافينار»"